Þessi texti er svona skírskotun í þá þróun að allt á þessu landi er að steypast í sama form til sjávar og sveita, það er lögboðin þróun og er sjónum beint að Hellnum á Snæfellsnesi í þessu tilfelli. Þorri samdi lagið sem er eitt af nýju lögunum okkar á þessum diski. Keli. Villtur Litadýrðin er svo lúmsk upp við hlíð og loftið oft virðist mér hreinna. Hér drógu þeir kallarnir dallana á flot, og drukknuðu yfirleitt seinna. Fólkið át lúður og lopadýr súr og lynti við drauga og álfa. Drepandi bylurinn dundi á þök dagana heila og hálfa. Þar sem Drepplakolla í dysinni liggur, drynur í klettum og gölturinn styggur Bárður í lauginni buslar um nakinn, ég er blautur og rifinn, villtur og hrakinn. Rennandi bunan varð rammheilagt vé sem rollurnar gengu í kringum, dregnir til ómagar drottni til hróss og drepnir og hýddir á þingum. Þar sem Drepplakolla í dysinni liggur, drynur í klettum og gölturinn styggur Bárður í lauginni buslar um nakinn, ég er blautur og rifinn, villtur og hrakinn. Nú syngur í línunum sorglegan blús og símanum áfram við þokum. Margflokkað heimsent og markaðsett líf, já malbikið sigrar að lokun. Þar sem Drepplakolla í dysinni liggur, drynur í klettum og gölturinn styggur Bárður í lauginni buslar um nakinn, ég er blautur og rifinn, villtur og hrakinn. til baka